គិតមកដល់ពេលនេះ គឺជិត១ខែហើយដែលកម្ពុជារកមិនឃើញករណីឆ្លងជំងឺកូវីដ-១៩។ នៅកម្ពុជា អ្នកឆ្លងជំងឺកូវីដ-១៩ មានចំនួន១២២នាក់ ជាសះស្បើយចំនួន១២០នាក់ ហើយអ្នកជំងឺនៅសល់សំរាកព្យាបាល នៅពេទ្យចំនួន ២នាក់ ។
បើទោះបីគ្មានការឆ្លងថ្មីក៏ពិតមែន ក៏ក្រសួងសុខាភិបាលកម្ពុជា នៅតែបន្តអំពាវនាវឱ្យប្រជាពលរដ្ឋខ្មែរប្រុងប្រយ័ត្នជាប់ជានិច្ច ដោយធ្វើអនាម័យ នៅឃ្លាតឆ្ងាយពីគ្នា មិនចេញក្រៅផ្ទះបើមិនចាំបាច់ ព្រោះប្រទេសជិតខាង និងពិភពលោកកំពុងបន្តរាតត្បាតជំងឺកូវីដ១៩ ដ៏ខ្លាំងក្លានេះនៅឡើយ ។
ក្រសួងសុខាភិបាលប្រាប់ឱ្យពលរដ្ឋត្រូវបន្តអនុវត្តគម្លាតសង្គមបន្តទៀត ដូចជាពន្យាការរៀបអាពាហ៌ពិពាហ៌ពិធីជប់លៀង ការចាក់ធុងបាសរាំ ជាដើម។ ចំណែក គម្លាតបុគ្គលវិញក៏ត្រូវបន្តធ្វើផងដែរ ដូចជាអង្គុយឃ្លាតពីគ្នា ឈររង់ចាំឃ្លាតពីគ្នា និង ឈរជជែកគ្នាឃ្លាតពីគ្នាជាដើម៕
