LaraMag
Icon Collap

មន្ត្រីជំនាញរកឃើញទំនិញមានផ្ទុកសារធាតុគីមីហាមឃាត់ និងហួសកាលបរិច្ឆេទប្រើប្រាស់មួយចំនួន

Admin Alynana |ព័ត៌មានជាតិ| Jan 01, 2021 |104
មន្ត្រីជំនាញរកឃើញទំនិញមានផ្ទុកសារធាតុគីមីហាមឃាត់ និងហួសកាលបរិច្ឆេទប្រើប្រាស់មួយចំនួន

មន្ត្រីសាខា ក.ប.ប. ខេត្តតាកែវ ដោយទទួលបានការសហការពីមន្ត្រីមន្ទីរពាណិជ្ជកម្មខេត្ត មន្ត្រីមន្ទីរកសិកម្ម និងអាជ្ញាធរដែនដី បានចុះត្រួតពិនិត្យគុណភាពសុវត្ថិភាពម្ហូបអាហារ នៅផ្សារត្រាំខ្នារ ស្ថិតក្នុងឃុំសូភី ស្រុកបាទី ខេត្តតាកែវនៅថ្ងៃទី១៣ មករា ២០២១ ។

 គោលដៅសំខាន់នៃការត្រួតពិនិត្យគឺដើម្បីស្រាវជ្រាវទប់ស្កាត់ការចរាចរណ៍ទំនិញខូចគុណភាព ក្លែងបន្លំស្លាកសញ្ញា ផុតកំណត់កាលបរិច្ឆេទប្រើប្រាស់ និងមានសារធាតុគីមីហាមឃាត់។D4DBBB14-946E-4749-89C9-176676667259

ក្នុងសកម្មភាពនេះ មន្ត្រីជំនាញបានធ្វើការវិភាគបឋមទៅលើគំរូម្ហូបអាហារមួយចំនួនរួមមាន៖ ខ្ញីហាន់ ស្ករត្នោត ទឹកត្រាំបង្គារ ទឹកត្រាំមឹក ស្បែកជ្រូកបំពង ត្រីបបែលក្រៀម និងពពុះសណ្តែក ដើម្បីស្វែងរកសារធាតុគីមីហាមឃាត់ ដែលអាចធ្វើឱ្យប៉ះពាល់ដល់សុខភាពប្រជាពលរដ្ឋ។ ជាមួយគ្នានោះ មន្ត្រីជំនាញក៏បានធ្វើការត្រួតពិនិត្យរកភាពមិនអនុលោមរបស់ទំនិញនៅលើសម្បកវេចខ្ចប់ផងដែរ។ 14FE8F39-A991-4FA2-A24C-BE9B6C3D25CC

* ជាលទ្ធផល មន្ត្រីជំនាញបានរកឃើញ ទំនិញមានផ្ទុកសារធាតុគីមីហាមឃាត់ និងហួសកាលបរិច្ឆេទប្រើប្រាស់បានមួយចំនួនមានដូចជា៖

⁃ ត្រីបបែលក្រៀម មានសារធាតុគីមីបូរ៉ាក់ (Borax) ចំនួន ៥.៥០ គីឡូក្រាម

⁃ ភេសជ្ជៈ ហួសកាលបរិច្ឆេទប្រើប្រាស់ ចំនួន ១៨ដប 

⁃ ប្រហិតប៉ាតេ ហួសកាលបរិច្ឆេទប្រើប្រាស់ ចំនួន ៥ គីឡូក្រាម

បន្ទាប់មក មន្ត្រីសាខា ក.ប.ប. ខេត្តតាកែវ បានធ្វើកំណត់ហេតុដកហូត ទំនិញទាំងនោះយកទៅរក្សាទុក ដើម្បីធ្វើការដុតកម្ទេចចោលនៅពេលក្រោយ។ 91C2F723-EAA6-4C30-B7C2-15A0A5D693B7

ទន្ទឹមនឹងនោះមន្ត្រីជំនាញក៏បានធ្វើការណែនាំដល់អាជីវករផ្សេងទៀត ឱ្យយល់ដឹង និងអនុវត្តទៅតាមច្បាប់ស្តីពីការគ្រប់គ្រងគុណភាព សុវត្ថិភាព លើផលិតផល ទំនិញ និងសេវា ព្រមទាំងច្បាប់ស្តីពីកិច្ចការពារអ្នកប្រើប្រាស់ ជៀសវាងបង្កផលប៉ះពាល់ដល់សុខភាពប្រជាពលរដ្ឋ និងអាចប្រឈមចំពោះមុខច្បាប់ថែមទៀត៕59933172-B943-4065-B646-B1E0EBB12371