កូវីដ៖ ខណៈបាតុកម្មទាមទារយុត្តិធម៌ដល់ការស្លាប់របស់លោក George Floyd បុរសពលរដ្ឋអាមេរិកាំងដើមកំណើតអាហ្វ្រិកម្នាក់ កំពុងបន្តកើតមានឡើងនៅទូទាំងសហរដ្ឋអាមេរិក និងបណ្តាប្រទេសជាច្រើននៅជុំវិញពិភពលោក ករណីឆ្លងវីរុសកូរ៉ូណា ដែលបណ្តាលជាជំងឺរលាកផ្លូវដង្ហើមធ្ងន់ធ្ងរ កូវីដ១៩ មិនបានថមថយនោះទេ។ គិតត្រឹមថ្ងៃសុក្រនេះ ករណីឆ្លងបន្តកើនឡើងដល់ជាង ៦លាន ៦សែននាក់នៅទូទាំងពិភពលោក ។
ករណីឆ្លងនិងស្លាប់ច្រើនជាងគេ គឺនៅសហរដ្ឋអាមេរិក ក្នុងនោះករណីឆ្លងមានចំនួនប្រមាណ ១លាន ៨សែននាក់ និងស្លាប់ប្រមាណ ១សែន ៨ពាន់នាក់។ ដោយឡែក ប្រទេសប្រេស៊ីល និងរុស្ស៊ី កំពុងបន្តប្រឈមនឹងករណីឆ្លងជាបន្តបន្ទាប់៖ ករណីឆ្លងនៅប្រេស៊ីលបានកើនលើស ៦សែន ១ម៉ឺននាក់ រីឯករណីឆ្លងនៅរុស្ស៊ីក៏បានកើនលើស ៤សែន ៤ម៉ឺននាក់៕
